तबरेज शेख

नाशिक : राजस्थानमधून हैद्राबाद येथे कत्तलीसाठी पायी निघालेल्या तब्बल ८५ उंटांची सुटका करण्यात आली. गुरुवारी (Nashik) ॲनिमल वेल्फेअरच्या पथकाने या उंटांची सुटका करुन सर्व ८५ उंटांना चुंचाळे येथील पांजरपोळ येथे सोडण्यात आले. विशेष म्हणजे (Dhule) धुळे, ग्रामीण पोलिस (Police) आणि शहर पोलिसांकडून एवढ्या संख्येने उंट पायी जात असतांना वाहतूकदारांची साधी चौकशी देखील करण्यात आली नसल्याची माहिती पदाधिकाऱ्यांनी दिली. (Latest Marathi News)

ॲनिमल वेल्फेअरचे पुरुषोत्तम आव्हाड यांनी दिलेल्या माहितीनुसार राजस्थान येथून तब्बल ८७ उंट हैद्राबाद येथे कत्तलीकरीता पाठवण्यात आले असल्याची माहिती मिळाली. आव्हाड यांनी त्यांच्या कार्यकर्त्यांसह धुळे, पिंपळनेर, साक्री, सटाणा, चांदवड, वणी पोलिसांशी संपर्क साधून माहिती दिली. मात्र पोलिसांनी कुठलीही कारवाई न करता उंट वाहतूक करणाऱ्यांची साधी चौकशी देखील केली नाही. उंट शहर पोलिस आयुक्तालयाच्या आडगाव पोलिस ठाण्याच्या हद्दीतील तपोवन येथे आल्यानंतर आव्हाड यांनी पोलिसांना कळवले. मात्र पोलिसांनी तपोवनात एवढ्या संख्येने उंट राहिल्यास परिसरात अस्वच्छता निर्माण होईल; याचे कारण देत उंटांना तपोवनातून पुढे काढून दिले. भद्रकाली पोलिसांनी देखील कारवाई केली नाही.

दोन उंटांचा मृत्‍यू

अखेर आव्हाड यांनी पशुवैद्यकीय पथकासह सर्व उंटांची तपासणी केली असता यातील दोन उंटांची प्रकृती गंभीर असल्याने त्यांचा मृत्यू झाल्याचे निदान केले. उर्वरीत ८५ उंटांची तपासणी केल्यानंतर सर्व उंटांची प्रकृती चांगली असल्याचे निदान करण्यात आले. या उंटांची वेल्फेअरच्या पदाधिकाऱ्यांनी सुटका करत पांजरपोळ येथे संगोपनासाठी नेले.