अजय सोनवणे 

मनमाड (नाशिक) : कांदा निर्यात बंदी करण्यात आली असल्याने कांदा बाहेर विक्रीसाठी जात नाही. यामुळे मार्केटमध्ये कांदा मोठ्या प्रमाणात पडला आहे. यामुळे कांद्याच्या दरात (Onion Price) घसरण सुरु झाली आहे. परिणामी कांदा उत्पादक शेतकरी अडचणीत सापडला आहे. नांदगावमध्ये भाव मिळत नसल्याने (Nashik) शेतकऱ्यांनी लिलाव बंद पाडला आहे. (Live Marathi News)

कांदा निर्यातबंदी लागल्यानंतर कांदा लिलाव सोमवारपासून सुरू झाले. मात्र त्या दिवसापासून नवीन लाल कांद्याच्या दरात घसरण सुरू झाली. कांदा निर्यात होत नसल्याने व्यापाऱ्यांनी पाठवलेला कांदा बंदरात पडून आहे, नवीन लाल कांदा जास्त दिवस टिकणारा नसतो. त्यातच निर्यात बंदीमुळे ३ ते ३ हजार ५०० रुपये सरासरी मिळणारा भाव कमी होऊन तो निम्म्यावर आला आहे. त्यामुळे शेतकऱ्यांना उत्पादन खर्च वसूल होत नसल्याने शेतकरी संतप्त असून त्यामुळे निर्यात बंदी उठवावी अशी मागणी करण्यात येत असल्याने शेतकऱ्यांनी आपला रोष प्रकट केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शेतकऱ्यांचा रास्ता रोको  
दरम्यान कांद्याच्या दरात घसरण सुरूच आहे. कांद्याला सरासरी १२०० ते १५०० रुपये प्रति क्विंटल भाव मिळत आहे. लिलावात ५०० रुपयांपासून बोली सुरू कतर जास्तीत जास्त १७०० रुपयांपर्यंत भाव मिळत असल्याने नाशिकच्या नांदगावला शेतकऱ्यांनी कांदा लिलाव बंद पडले आहेत. यानंतर नांदगाव बाजार समिती कार्यालयासमोर ठिय्या मांडला असून नांदगाव - येवला रस्त्यावरील बाजार समितीसमोर संतप्त शेतकऱ्यांचा रास्तारोको आंदोलन केले. यामुळे दुतर्फा वाहतूक ठप्प झाली होती.