अजय सोनवणे 

मनमाड (नाशिक) : कांदा निर्यात बंदी घातल्याने शेतकरी अडचणीत सापडला आहे. आता कांदा पाठोपाठ (Nashik) नाशिक जिल्ह्यातील द्राक्ष उत्पादक देखील संकटात सापडले असून भारतातून निर्यात करण्यात येत असलेल्या द्राक्षावर बांगलादेशाने प्रतिकिलोवर १०४ रुपये आयात शुल्क लावला आहे. (Breaking Marathi News)

एकीकडे निर्यात बंदीमुळे (Onion) कांद्याचे दर वाढत नसल्याने नाशिक जिल्ह्यातील कांदा उत्पादक शेतकरी संकटात सापडला आहे. असे असताना आता बांगलादेशाने भारतातुन निर्यात होणाऱ्या द्राक्षावर प्रतिकिलो १०४ रुपये आयात शुल्क लावले आहे. त्यामुळे निर्यातदारानी द्राक्षे घेण्याकडे (Grape Growers) पाठ फिरवली आहे. एक प्रकारे बांगलादेशात केली जाणारी द्राक्षे निर्यात ठप्प असून याचा फटका नाशिक जिल्ह्यातील बागायतदारांना बसत आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कवडीमोल दारात द्राक्ष विक्री 

द्राक्षांची निर्यात होत नसल्याने द्राक्ष उत्पादक शेतकऱ्यांवर स्थानिक बाजारात कवडीमोल दरात द्राक्षे विकण्याची वेळ आली आहे. बांगलादेश कांदा मागत असताना भारताने निर्यात बंदीचे कारण दिल्याने बांगलादेशाने निर्यात शुल्क अचानक वाढवले असे शेतकरी सांगतात.