अजय सोनवणे

मनमाड (नाशिक) : शेतात रोटाव्हेटर मारण्यासाठी ट्रॅक्टर घेऊन जात असतांना ट्रॅक्टर पलटी होऊन तरुण शेतकऱ्याचा (Farmer) जागीच मृत्यू झाला. सदरची घटना (Nashik) नाशिकच्या देवळा तालूक्यातील खामखेडा येथे घडली. राकेश धोंडगे असे या तरुण शेतकऱ्याचे नाव आहे. (Breaking Marathi News)

राकेश हा ट्रॅक्टर घेवून दुसऱ्याच्या शेतात रोटाव्हेटर मारण्यासाठी जात होता. या दरम्‍यान रस्त्याच्या कडेला असलेल्या चारीचा अंदाज न आल्‍याने चारीमध्ये ट्रॅक्टर पलटी झाले. त्या खाली राकेश दबला गेल्‍याने त्यात त्याचा जागीट मृत्यू झाला. ही घटना समजताच आजूबाजूच्या परिसरातील नागरीकांनी धाव घेत राकेश याला बाहेर काढून त्याला देवळा येथील सरकारी रुग्णालयात दाखल केले. मात्र त्यापुर्वीच त्याचा मृत्यू झाला होता.

महिनाभरापुर्वीच झाले लग्‍न

विशेष म्हणजे राकेश धोंडगे याचे महिनाभरापुर्वीच लग्न झाले होते. संसाराला सुरवात झाली असताना नियतीने घात केला अन्‌ राकेशचा अपघाती मृत्‍यू झाला. त्याच्‍या मृत्‍यूमुळे सर्व गावात हळहळ व्यक्त होत आहे.