फैय्याज शेख, शहापूर

Nashik Expressway Devoters Accident News नाशिक महामार्गावर पायी जाणाऱ्या साई भाक्तांचा भीषण अपघात झाल्याची बातमी समोर आली आहे. उभ्या असलेल्या वाहनाला मागून येणाऱ्या गाडीने जोरदार धडक दिल्याने ही दुर्घटना घडली आहे. या दुर्घटनेत एकाचा मृत्यू झाला असून चौघे गंभीर जखमी झाले आहेत. जखमींना उपचारासाठी जवळच्या रुग्णालयात दाखल करण्यात आले आहे.

मिळालेल्या माहितीनुसार, मुंबई नाशिक महामार्गावरून साई भक्त पायी चालत शिर्डीच्या दिशेने जात होते. रात्री खर्डीहून निघालेल्या साईपलखी ही कसारा बायपास जवळ आली. यादरम्यान कसारा बायपासजवळ साई भक्त महामार्गाने पायी चालत जात असताना, मागून येणाऱ्या भरधाव टेम्पोने उभ्या असलेल्या गाडीला धडक दिल्याने, उभी असलेली गाडी ही मागून साई भक्तांवर धडकली. सदर अपघात रात्री १ च्या सुमारास घडला .

हा अपघात इतका भीषण होता की, एकाचा मृत्यू झाला. मृत झालेल्या तरुणाचे नाव सोमनाथ अधिकारी असे असून तो मुंबई कांजूर मार्ग येथील राहाणारा होता. तर प्रवीन मोरे, संकेत पवार , प्रवीन इलाड, प्रकाश गीते हे जखमी झाले आहेत. यांना उपचारासाठी रूग्णालयात दाखल करण्यात आले आहे.