अभिजित सोनावणे

नाशिक: एका विद्यार्थिनीने अपहरणाच्या भीतीनं आपला जीव गमावला आहे. नाशिकच्या सिन्नर तालुक्यात ही घटना घडली आहे. (Nashik latest News)

मिळालेल्या माहितीनुसार, शाळेतून रिझल्ट घेऊन घरी येत असताना गाव येऊनही न थांबल्याने चालत्या रिक्षातून विद्यार्थिनीने उडी मारली. यादरम्यान, डोक्याला मार लागल्याने त्या विद्यार्थिनीचा मृत्यू झाला आहे, तर दुसरी विद्यार्थिनी गंभीर जखमी झाली आहे.

गायत्री चकणे असं मृत मुलीचं नाव आहे, तर सायली आव्हाड गंभीर जखमी झालेल्या मुलीचे नाव आहे. पोलिसांकडून रिक्षाचालकाला अटक करण्यात आली आहे पुढील तपास पोलीस करत आहेत.