Nashik Latest News Saam TV News
महाराष्ट्र

Nashik : दिंडोरीत शोककळा! बापासमोरच बिबट्याचा २१ वर्षीय तरूणीवर हल्ला, लचके तोडले, ओढत नेलं

Nashik Nashik Leopard Attack : नाशिकमधील दिंडोरी तालुक्यात बिबट्याच्या हल्ल्यात २१ वर्षीय पायल चव्हाण हिचा मृत्यू. वडिलांसमोरच बिबट्याने हल्ला करून ओढत नेलं. वनविभागाच्या निष्क्रियतेवर ग्रामस्थांचा संताप.

Namdeo Kumbhar

अभिजित सोनवणे, नाशिक प्रतिनिधी

Nashik Latest News : नाशिक जिल्ह्यातील दिंडोरी तालुक्यातील वनारवाडी येथे एक हृदयद्रावक घटना घडली आहे. वनारवाडीतील २१ वर्षीय पायल चव्हाण या युवतीचा बिबट्याच्या हल्ल्यात मृत्यू झाला आहे. शेतात काम करताना बिबट्याने मुलीवर हल्ला केला होता. वडिलांनी तिला वाचवण्यासाठी धाव घेतली, पण तोपर्यंत उशीर झाला होता. या घटनेने वानरवाडी गावावर शोककळा पसरली आहे. वनविभागाच्या निष्क्रियतेवर स्थानिकांनी तीव्र संताप व्यक्त केला आहे.

नाशिक-दिंडोरी राज्य मार्गावरील वनारवाडी पाटाजवळ चव्हाण कुटुंबीय आपल्या शेतात गवत कापण्याच्या कामात व्यस्त होते. पायल ऊसाच्या शेतालगत गवत कापत होती. त्याचवेळी दबक्या पावलाने अचानक बिबट्याने मागून येऊन झडप घातली. बिबट्याने पायलला ६-७ फूट ओढत नेले. तिच्या किंचाळ्या ऐकून आजूबाजूचे शेतकरी आणि तिचे वडील धावले. गोंधळात बिबट्याने पायलला तिथेच सोडून पळ काढला. रक्तबंबाळ अवस्थेत पायलला नातेवाइकांनी तातडीने खासगी रुग्णालयात नेले. परंतु तिथे उपचारास नकार मिळाला. अखेर दिंडोरी ग्रामीण रुग्णालयात दाखल केले असता वैद्यकीय अधिकाऱ्यांनी तिला मृत घोषित केले.

या घटनेने गावकऱ्यांमध्ये भीती आणि रोष पसरला आहे. यापूर्वीही या परिसरात बिबट्यांचा वावर असल्याच्या तक्रारी वनविभागाकडे करण्यात आल्या होत्या. परंतु कोणतीही ठोस कारवाई झाली नसल्याचा आरोप स्थानिकांनी केला आहे. पायलच्या मृत्यूने कुटुंबीयांवर दुखाचा डोंगर कोसळला आहे. पोलिसांनी घटनास्थळी पंचनामा केला असून, वनविभागाने तपास सुरू केला आहे. मात्र, वारंवार घडणाऱ्या अशा घटनांमुळे वनविभागाच्या कार्यक्षमतेवर प्रश्नचिन्ह उपस्थित झाले आहेत. स्थानिकांनी बिबट्यांचा बंदोबस्त करण्याची मागणी केली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Todays Horoscope: 'या' राशीच्या व्यक्तींनी मनाचा कौल घेऊन पुढे जावं; वाचा राशीभविष्य

Hans Mahapurush Rajyog: 100 वर्षांनी दिवाळीला गुरु बनवणार हंस राजयोग; 'या' राशींना बिझनेसमधून मिळणार नफा

PAK vs BAN: बांगलादेश आऊट; फायनलमध्ये रंगणार भारत-पाकिस्तान सामन्याचा थरार

Unrest in Ladakh: लेह-लडाखमध्ये दहशत; भाजप कार्यालय जाळले, Gen-Z आंदोलन का उफाळलं?

MHADA Diwali Bonus: म्हाडा कर्मचाऱ्यांना दिवाळी बोनस जाहीर! खात्यात किती जमा होणार पैसा?

SCROLL FOR NEXT