तबरेज शेख

नाशिक : गर्दीचा फायदा घेत एकाने बाजारात गेलेल्या महिलेच्या गळ्यातील सोनसाखळी लांबविल्याची घटना मागील महिन्यात घडली होती. याप्रकरणी गुन्हा दाखल झाल्यानंतर सोनसाखळी लांबविणाऱ्या चोरट्याला पोलिसांनी सीसीटीव्ही फुटेजच्या आधारे अटक केली आहे. (Live Marathi News)

नाशिकच्या ऐन वर्दळीचे  ठिकाण म्हणून ओळख असलेल्या भद्रकाली पोलीस ठाण्याच्या हद्दीत भाजी खरेदी करण्यासाठी गेलेल्या एका महिलेच्या गळ्यातील सोनसाखळी चोराने ओरबडली होती. हि घटना सायंकाळी ७ वाजेच्या दरम्यान घडली होती. सोनसाखळी घेऊन चोरट्याने पायी धूम ठोकली होती. याच घटनेची माहिती भद्रकाली पोलीस ठाण्यात संबंधित महिलेने दिल्यानंतर गुन्हा दाखल करण्यात आला होता. याबाबत गुन्हे शाखा युनिट १ च्या पथकाने याबाबत तपास सुरू केला होता. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सीसीटीव्हीच्या आधारे पोलीस निरीक्षक विजय ढमाळ यांच्या पथकाने या गुन्ह्याची उकल केली. मुद्देमालासह २४ वर्षीय संशयित आरोपी मुकेश भालेराव याला अटक केली. मुकेश हा मूळचा पाचोरा येथील असून कामानिमित्त तो नाशिकच्या टाकळी परिसरात राहत होता. अनेकदा सोनसाखळी चोर दुचाकीचा वापर करून पोबारा करतात. मात्र ऐन गर्दीतून पायी धूम ठोकणारा मुकेश पोलिसांच्या हाती लागल्यानं कामगिरी करणाऱ्या पोलिसांचं कौतुक केलं जातं आहे. लवकरच फिर्यादी महिलेशी संपर्क करून कायदेशीर प्रक्रिया पूर्ण करून सोन्याची पोथ दिली जाईल, असेही पोलिसांकडून माहिती देण्यात आलीय.