तबरेज शेख

नाशिक : सोशल मिडीयावरील पोस्‍टवरून वाद होत असतात. असा प्रकार नाशिक (Nashik) येथे झाला असून सोशल मीडियावर टाकलेल्या पोस्टवरून झालेले भांडण सोडवण्यासाठी गेलेल्या इसमाचा खून (Crime News) झाल्याचा धक्कादायक प्रकार समोर आला आहे. (Live Marathi News)

सातपूर परिसरातील गोरक्षनाथ रोड काश्मीरे मळा याठिकाणी हा खुनाचा प्रकार समोर आला आहे. लखन नामक इसमाने फेसबुकवर एक पोस्ट टाकली होती. त्यांनतर संशयीत आरोपी मुन्ना निषाद आणि नरसिंग निषाद या दोघा भावांनी स्मायली टाकल्याने फिर्यादी आणि निषाद भावांमध्ये वाद निर्माण झाला. या वादाचे पर्यवसन हाणामारीत झाले.

लोखंडी रॉड मारला डोक्‍यात

भांडण सोडवण्यासाठी गेलेल्या संतोष जैस्वाल गेला. मात्र त्‍यालाच संशयित आरोपी मुन्ना निषाद आणि नरसिंग निषाद यांनी लोखंडी रॉड डोक्यात मारला. त्यामुळे गंभीर जखमी झालेल्या संतोष जैस्वाल याचा या घटनेत मृत्यू झाला. सातपूर पोलिसांत खुनाचा गुन्हा दाखल करण्यात आला आहे. तर या खुनाच्या घटनेतील एका संशयिताला पोलिसांनी बेड्या ठोकल्या असून आणखी एका संशयित आरोपीचा पोलीस शोध घेत असल्याची माहिती पोलिसांनी दिली आहे.