नाशिक - नव्या वर्षात नाशिककरांचा (Nashik) शहरातील प्रवास महागणार आहे. शहरातील महापालिकेच्या सिटीलिंक(Citylink) या शहर बससेवेच्या भाड्यात 5 टक्के वाढ होणार असून यामुळे शहर बससेवेचं (Bus) भाडं 1 ते 3 रुपयांनी महागणार आहे. शहर बससेवेच्या भाड्यात 5 टक्क्यांनी भाडेवाढ करण्याचा प्रस्ताव प्रादेशिक परिवहन प्राधिकरणाला (transport authority) सादर करण्यात आला आहे. प्राधिकरणाच्या मंजुरीनंतर ही भाडेवाढ केली जाणार आहे. मागील वर्षी जुलैमध्ये शहरात महापालिकेकडून सिटीलिंक बससेवा सुरू करण्यात आली. (Citylink bus fares increases by 5 percent)

हे देखील पहा -

या बससेवेचा मोठा फायदा नाशिक आणि आजूबाजूच्या ग्रामीण भागातील नागरिकांना होत आहे. मात्र बससेवा (Bus service) सुरू झाल्यानंतर 8 जुलै 2021 ते 31 मार्च 2022 या काळात तब्बल 27 कोटींचा तोटा गृहीत धरण्यात आला आहे. त्यामुळे बससेवेतील तोटा लक्षात घेता हा तोटा भरून काढण्यासाठी भाडेवाढीची शक्कल लढवण्यात आली आहे. मात्र या भाडेवाढीमुळे नाशिककरांच्या खिशाला मात्र अतिरिक्त भुर्दंड सहन करावा लागणार आहे.

Edited By - Shivani Tichkule