नाशिक Crime : पंचवटी परिसरातील मखमलाबाद शिवारातील सिद्धार्थनगरला वाढदिवसानिमित्ताने तलवारीने केक कापल्याने एका युवकावर म्हसरूळ पोलिस ठाण्यात गुन्हा दाखल करण्यात आला आहे. विशेष म्हणजे या युवकावर रेमडेसिव्हीर इंजेक्शनचा काळाबाजार केल्याप्रकरणी यापुर्वी गुन्हा दाखल आहे.

मयूर सोनवणे असे गुन्हा दाखल झालेल्या युवकाचे नाव आहे. त्याच्याकडे तलावर असल्याची माहिती समाज माध्यमातून म्हसरूळ पोलिसांना मिळाली हाेती. त्यावरून म्हसरूळ गुन्हेशोध पथकाने मयूरला ताब्यात घेऊन त्याची चाैकशी केली.

चाैकशीअंती संशयित मयूर सोनवणे याचा मंगळवारी वाढदिवस होता. त्याचे मित्र केक घेऊन आले तेव्हा मयूरने तलवारीने केक कापला व त्याचे छायाचित्र सोशल मीडियावर व्हायरल केले होते. त्या आधारे त्याच्यावर गुन्हा दाखल करण्यात आला आहे अशी माहिती म्हसरूळ पोलिसांनी दिली.

edited by : siddharth latkar