सचिन बनसोडे, शिर्डी

Nashik: माजी काँग्रेस नेते आणि नाशिक पदवीधर मतदारसंघातील अपक्ष उमेदवार सत्यजित तांबे यांना अखेर भाजपा पाठिंबा देणार असल्याचे निश्चित झाले आहे.

भाजपचे प्रदेशाध्यक्ष चंद्रशेखर बावनकुळे, राधाकृष्ण विखे पाटील, गिरीश महाजन यांच्यासह उत्तर महाराष्ट्रातील भाजप जिल्हाध्यक्षांची ऑनलाईन चर्चा झाली, यामध्ये हा निर्णय झाला आहे. त्याबद्दल लवकरच भाजपा प्रदेशाध्यक्ष चंद्रशेखर बावनकुळे घोषणा करणार असल्याचीही माहिती समोर आली आहे. (Latest Marathi Update)

याबाबत अधिक माहिती अशी की, ज्येष्ठ काँग्रेस नेते व माजी आमदार डॉ. सुधीर तांबे यांना काँग्रेसने नाशिकमधून विधानपरिषदेची उमेदवारी दिली होती. पण त्यांनी अर्ज न भरता त्यांचे चिरंजीव सत्यजित यांनी अपक्ष म्हणून उमेदवारी अर्ज दाखल केला. काँग्रेसने या प्रकाराची गंभीर दखल घेऊन दोघांनाही पक्षातून निलंबित केले आहे. सत्यजित हे उमेदवारीसाठी प्रयत्नशील होते.

यावर आता अखेरचा निर्णय जाहीर झाला असून चंद्रशेखर बावनकुळेंनीही याबद्दल घोषणा केली आहे.

काय म्हणाले चंद्रशेखर बावनकुळे..

"नाशिकमध्ये भाजपने कोणताही उमेदवार दिलेला नाही, तसेच अद्याप कोणालाही समर्थनसुद्धा दिलं नाही, त्यामुळं भाजपचे (BJP) मतदार अपक्षा उमेदवाराल मतदान करेल," असे स्पष्टिकरण चंद्रशेखर बावनकुळे यांनी दिले आहे. त्यामुळे आता नाशिक पदवीधर मतदार संघाच्या निवडणुकीत शुभांगी पाटील विरुद्ध सत्यजित तांबे अशी थेट लढत असेल.