नाशिकमधील भोंदूबाबा अशोक खरात प्रकरणात नवी नवीन खुलासे होत आहेत. आता खबरदार पुढारी' दैनिकाचे संपादक दत्तात्रय खेमनार एका वृत्तवाहिनीला दिलेल्या माहितनुसार आणखी एक धक्कादायक प्रकार उघडकीस आणला आहे. खरात याने २०० पेक्षा जास्त महिलांचे लैंगिक शोषण केले असावे, असा संशय व्यक्त केला आहे. खरातकडे येणाऱ्या बहुतांशी महिला या उच्चशिक्षित आणि राजकारणी घराण्यातील असल्याचा दावाही खेमनार केला आहे.

कॅप्टन खरात महिलांना संमोहित करायचा, त्यांना गुंगीचे औषध देऊन त्यांच्याशी लैंगिक संबंध प्रस्थापित करायचा, असं सांगत दत्तात्रय खेमनार यांनी या प्रकरणातील एक धक्कादायक उलगडा केला आहे. अशोक खरात महिलांना 'मी देव आहे. तुझं आयुष्य चांगलं करायचं असेल तर मला तुझं योनी शुद्धीकरण करावं लागेल, अशं सांगायचा. तो महिलांना स्वत:चं मुत्र प्यायला लावायचा', असा खळबळजनक दावाही दत्तात्रय खेमनार यांनी केला.

अशोक खरातचे कारनामे सांगताना खेमनार यांनी एका व्यापाऱ्यासोबत घडलेल्या प्रकाराची धक्कादायक माहिती दिली. खरातने त्या व्यापाऱ्याला खोटी रत्नं देऊन फसवलं होतं. खरात हा त्याच्याकडे येणाऱ्या स्त्री-पुरुषांनाही एकमेकांशी लैंगिक संबंध ठेवायला सांगायचा. खरातने एका बड्या उद्योजकाचे दुसऱ्या एका महिलेशी संबंध जुळवून दिले होते.

त्यानंतर ती महिला गर्भवती असल्याचे खोटे सांगून त्या उद्योजकाला ब्लॅकमेल करत खरातने त्याच्याकडून 20 कोटी रुपये उकळल्याची माहितीही खेमनार यांनी सांगितले. इतकेच नाहीतर खरात याने एका माजी मंत्र्याला शक्तीवर्धक गोळ्यांचं पाणी देत असायचा. पाणी म्हणजे ओशनो जल आहे. हे पाणी प्यायल्यास तू एनर्जिटीक राहशील, तब्येत चांगली राहील. असे सांगून त्याने या मंत्र्याला गंडा घातल्याची माहितीही खेमनार यांनी दिली आहे.