तबरेज शेख, नाशिक

Nashik Accident News :

नाशिकमध्ये भीषण अपघाताची दुर्देवी घटना घडली आहे. नाशिकच्या घोटी सिन्नर महामार्गावर उंबरकोन फाट्याजवळ भीषण अपघात झाला आहे. या अपघातात ४ जणांचा जागीच मृत्यू झाला आहे. या अपघातामुळे महामार्गावर एकच खळबळ उडाली.

नाशिकमध्ये भीषण अपघाताची दुर्देवी घटना घडली आहे. नाशिकच्या घोटी सिन्नर महामार्गावर उंबरकोन फाट्याजवळ भीषण अपघात झाला आहे. या अपघातात ४ जणांचा जागीच मृत्यू झाला आहे. या अपघातामुळे महामार्गावर एकच खळबळ उडाली. दुचाकी आणि चारचाकीमध्ये अपघात झाला. आज शुक्रवारी दुपारी अपघात झाला. या अपघातात ४ जणांचा जागीच मृत्यू झाला आहे.

महामार्गावर झालेल्या अपघातात चार जणांचा मृत्यू झाला, तर काही जण गंभीर जखमी झाले आहेत. या घटनेतील गंभीर जखमी व्यक्तींना घोटी ग्रामीण रुग्णालयात दाखल करण्यात आलं आहे. अपघातातील गंभीर जखमी व्यक्तींची प्रकृती चिंताजनक असल्याचे वृत्त आहे. अपघातानंतर घटनास्थळी घोटी पोलीस दाखल झाले आहेत. स्थानिक नागरिकांच्या मदतीने जखमींना रुग्णालयात दाखल केले आहे. मृत आणि जखमी व्यक्तींची नावे समजली नाहीत. पोलीस ओळख पटविण्याचे काम करत आहेत.

अकोल्यात भीषण अपघात

अकोल्यात भीषण अपघात झाला आहे. भरधाव ट्रकने दुचाकी आणि ऑटोरिक्षाला उडवलं. या अपघातात एका महिलेचा जागीच मृत्यू झाला आहे. तर तीन जण जखमी झाले आहेत. अपघातातील जखमींना तातडीनं अकोट ग्रामीण रुग्णालयात दाखल करण्यात आले आहे.

अकोला जिल्ह्यातील अकोट हिवरखेड रस्त्यावरील खंडाळा फाटयानजीक हा अपघात झाला आहे. या घटनेत दुचाकी वरील एका महिलेचा जागीच मृत्यू झाला आहे. तर दुचाकीस्वार असलेला व्यक्ती हा जखमी झाला आहे.