- विनायक वंजारे

Kokan News : दिवाळीनंतरही काेकणात राजकीय फटाके फुटत असल्याचे आज (शुक्रवार) जिल्हा नियाेजन समितीच्या बैठकीत दिसून आले. आजच्या बैठकीत केंद्रीय मंत्री नारायण राणे आणि खासदार विनायक राऊत यांच्यात शाब्दिक चकमक उडाली. त्यामुळे बैठकीत काही काळ गाेंधळ निर्माण झाला. (Sindhudurg Latest Marathi News)

आज (शुक्रवार) सिंधुदुर्ग (sindhudurg) जिल्ह्यात जिल्हा नियोजनची बैठक सुरू आहे. आमदार रवींद्र चव्हाण हे पालकमंत्री झाल्यानंतर व शिंदे गटाच्या निर्मितीनंतरची ही पहिलीच जिल्हा नियोजनची बैठक होत आहे. या बैठकीस जिल्ह्यातील सर्वच मातब्बर नेते उपस्थित राहणार हाेते. त्यामुळे ही बैठक कशी हाेणार याची उत्सुकता राजकीय वर्तुळात हाेती. (Maharashtra News)

ही बैठकी सुरु झाली. या बैठकीत काही विषयांवरुन केंद्रीय मंत्री नारायण राणे आणि खासदार विनायक राऊत यांच्यात शाब्दिक चकमक उडाली. त्यामुळे या बैठकीत काही काळ गाेंधळ निर्माण झाला. विनायक राऊत यांनी पालकमंत्री रवींद्र चव्हाण यांना विचारलेल्या एका प्रश्नावर नारायण राणे (narayan rane) यांनी आक्षेप घेतल्यानंतर विनायक राऊत भडकले.

यावेळी खासदार विनायक राऊत (vinayak raut) यांनी नेमकं मिटिंग कोण चालवतय ? असा सवाल पालकमंत्री रवींद्र चव्हाण यांना केला. त्यानंतरही खासदार राणे बाेलत राहिले त्यामुळे गाेंधळात भर पडली. ही बैठक अद्यापही सुरु आहे. या बैठकीस शालेय शिक्षणमंत्री दीपक केसरकर हे देखील उपस्थित आहेत. (Breaking Marathi News)

Edited By : Siddharth Latkar