नंदुरबार : जिल्‍हा परिषदेत सत्‍तांतर होणार असा दावा भाजपकडून केला जातो. परंतु, ते शक्‍य होणार नाही. भाजपकडून खुप दावे केले जातात. मात्र ते पुर्ण होत नाही. जिल्‍हा परिषदेवर सत्‍ता पुर्वीप्रमाणेच राहिल. यामुळे भाजपचा दावा खोटा ठरणार असे मत कोपर्डी गटातून शिवसेनेचे विजयी उमेदवार राम चंद्रकांत रघुवंशी बोलताना मांडले. (nandurbar-zp-election-news-shiv-sena-ram-raghuvanshi-victory-koprdi-gut)

नंदुरबार जिल्‍हा परिषदेच्‍या पोट निवडणुकीची मतमोजणी आज होत आहे. यात पहिल्‍या टप्‍प्‍यात कोपर्डी गटातून विजयी झाल्‍यानंतर शिवसेनेचे राम रघुवंशी यांनी प्रतिक्रीया दिली. रघुवंशी यांनी सांगितले, की पोटनिवडणुक लागल्‍यानंतर भाजपकडून सत्‍तांतराचा दावा केला गेला. परंतु, तसे होवू शकणार नाही. कारण भाजपच्‍या सात उमेदवारांना पोटनिवडणुक लढवावी लागत आहे. यात दोन जणांचा पराभव झाला असून, निकालानंतर सर्व चित्र स्‍पष्‍ट होईल.

शिवसेनेच्‍या पदरात आणखी पद

जिल्‍हा परिषदेत पोट निवडणुकीच्‍या निकालानंतर सत्‍तेचे समीकरण पुर्वीप्रमाणेच राहील. शिवसेनेकडे उपाध्‍यक्ष पद कायम राहणार असून, उलट आणखी एक सभापती पद शिवसेनेच्‍या पदरात पडणार असल्‍याचे त्‍यांनी सांगितले.

कामाची पावती

विजयानंतर रघुवंशी यांनी कोपर्डी गटातील नागरीकांचे आभार मानत नागरीकांनी पुन्‍हा विश्‍वास दाखविला आहे. गेल्‍या दीड वर्षात जे काही कामे गटात केली असतील. त्‍याची पावती नागरीकांनी दिली असून, पुढील साडेतीन वर्षात देखील शिवसैनिक म्‍हणून सेवा करणार असल्‍याचे त्‍यांनी सांगितले.