सागर निकवाडे

नंदूरबार : उन्‍हाळ्यात बहुतांश गावांमध्‍ये पाणी टंचाईच्‍या झळा सहन कराव्‍या लागत असतात. यात आता पावसाळा लांबल्‍याने टंचाईच्‍या झळा अधिक गळद झाल्‍या आहेत. आदिवासी जिल्‍हा असलेल्‍या (Nandurbar) नंदुरबारमध्‍ये अनेक गावांमध्‍ये पाणी प्रश्‍न निर्माण झाला आहे. यात तापी नदीच्‍या काठावर असलेल्‍या (Prakasha) प्रकाशा येथे देखील पाणी समस्‍या उद्‌भवली आहे. (Maharashtra News)

शहादा तालुक्यातील प्रकाशा हे तापी नदीच्या काठावर (Tapi River) वसलेले गाव. शिवाय येथे धरण असल्‍याने पाणी प्रश्‍न उद्‌भवणे कठीण आहे. तरी देखील गावात काही भागात गेल्‍या काही दिवसांपासून पाणी मिळत नाही. गावातील काही भागात पाणीपुरवठा होत नसल्याने गावातील पाणी प्रश्न पेटला असून गावातील गढी व कुंभार खाच या परिसरामध्ये ग्रामस्थांना पाणी येत नसल्याने ग्रामपंचायतमध्ये महिला व पुरुषांनी मोर्चा काढला.

बीडीओंची अरेरावी

पाणी येत नाही म्हणून ग्रामपंचायत सदस्य दिलीप पाटील यांनी (Shahada) शहादा बीडीओ यांना फोन केला. मात्र त्यांनी समाधानकारक उत्तर न देता अरेरावी केली. म्हणून तेथील नागरिकांनी त्यांचा विरोधात आणि पाणी मिळत नाही म्हणून मोर्चा काढला.