नंदुरबार : महाराष्ट्र गुजरात राज्याची सीमेलगत धुळे– नंदुरबार जिल्ह्याच्या हद्दीतील नवापूर (Navapur) तालुक्यातील चरणमाळ घाटात अपघातांची (Accident News) मालिका सुरूच आहे. तीव्र उतराच्या घाट रस्त्यातून तांदळांनी भरलेला ट्रक चालकाचा वाहनावरील ताबा सुटल्याने अपघात झाला आहे. (Live Marathi News)

तीव्र उतारावरून खाली येत असताना ट्रक थेट कठडे तोडून दरीत जाता जाता वाचला. या अपघातात ट्रक चालक जखमी झाला आहे. स्थानिक बोरझोर व चरणमाळ येथील नागरिकांनी चालकाला 108 रुग्णवाहिकेच्या मदतीने उपचारासाठी रुग्णालयात (Hospital) पाठवण्यात आले आहे. घटनास्थळी नवापूर पोलीस दाखल झाले असून अधिक तपास करीत आहे.

गुजरातकडे जात होता ट्रक

अपघातग्रस्त ट्रक आंध्र प्रदेशमधून गुजरात (Gujrat) राज्यात तांदूळ घेऊन जात असल्याची प्राथमिक माहिती मिळाली आहे. एकूणच तीव्र उताराचा व वळणाच्या चरणमाळ घाट रस्त्यात अपघातांची मालिका सुरूच आहे. लोकप्रतिनिधी व बांधकाम विभागाच्या अधिकाऱ्यांनी कठडे दुरुस्तीसाठी केलेली पाहणी केवळ पाहणी राहिली आहे. अद्यापही या ठिकाणी कोणत्याही प्रकारची दुरुस्ती झाली नसल्याने अपघातांची मालिका सुरूच आहे.