नंदुरबार : नंदुरबारच्या उपनगर पोलीस ठाण्याचे पोलीस निरीक्षक यांच्याबाबत गैरकृत्यात सहभाग असल्याच्या तक्रारी वरिष्ठांकडे गेल्या होत्या. याबाबत संपूर्ण चौकशी करून पोलीस निरीक्षक श्याम निकम यांच्यासह पोलीस कर्मचारी गणेश भामरे यांच्यावर निलंबनाची कारवाई करण्यात आली आहे. यामुळे पोलीस प्रशासनात खळबळ उडाली आहे. 

नंदुरबार (Nandurbar) उपनगर पोलीस स्टेशनचे पोलीस निरीक्षक श्याम निकम व पोलीस कर्मचारी गणेश भामरे यांच्यावर तडकाफडकीने निलंबनाची कारवाई करण्यात आली. पोलीस अधिक्षक श्रवणदत्त एस. यांनी सदरची कारवाई केली आहे. उपनगर (Police) पोलीस ठाण्याचे निरीक्षक निकम हे गैरकृत्यामध्ये सहभागी होत असल्याच्या तक्रारी वरिष्ठांकडे करण्यात आल्या होत्या. याची चौकशी करत असताना त्याच्या काही फोन रेकॉर्डींग पोलीस अधिक्षकांना आढळून आले आहे. यामुळे पोलीस अधिक्षकांनी ही तडकाफडकीने निलंबणाची कारवाई केल्याचे बोलले जात आहे. 

पोलीस निरीक्षक निकम हे काही आर्थिक व्यवहार करत असताना कर्मचारी गणेश भामरे यांचा देखील यात सह्भाग (Nandurbar Police) असल्याचे तपासात समोर आले आहे. यामुळे निकम यांच्यासह भामरे यांना देखील निलंबित करण्यात आले आहे. या कारवाईमुळे पोलीस दलात चांगलीच खळबळ उडाली असून कुठल्याही प्रकारे गैरकारभारावर पांघरून घातल्या जाणार नसल्याचे संकेत या कारवाईतून पोलीस अधिक्षकांनी दिले आहे.