नंदुरबार : जिल्ह्यातील अक्कलकुवा, शहादा, नवापूर आगारातील एसटी प्रवासी वाहतूक सेवा पूर्णपणे बंद आहे. मात्र नंदुरबार आगारातून जिल्हा अंतर्गत सेवा सुरू आहे. (nandurbar-news-st-employee-strike-and-bus-service-stop)

महाराष्ट्र राज्य परिवहन महामंडळाच्या एसटी कर्मचाऱ्यांनी आपली प्रमुख मागणी एसटी महामंडळ हे महाराष्ट्र शासनात विलगीकरण करावे, यासोबतच एसटी कर्मचाऱ्यांना ही महाराष्ट्र राज्य शासनाच्या कर्मचाऱ्यांप्रमाणे वेतन अदा करण्यात यावे, एसटी कर्मचाऱ्यांना महाराष्ट्र राज्य शासनाच्या कर्मचाऱ्यांप्रमाणे सेवाजेष्ठता निश्चित करून एसटी महामंडळाचे राज्य शासनात विलीनीकरण करण्यात यावे यासह विविध मागण्यांसाठी मध्यरात्रीपासून संप पुकारला आहे. जोपर्यंत एसटी कर्मचाऱ्यांच्या मागण्या मान्य होत नाही; तोपर्यंत संप सुरू राहणार असल्याचे नवापूर आगाराच्या प्रवेशद्वारावर आंदोलनाला बसलेल्या कर्मचाऱ्यांनी सांगितले आहे. यावेळी नवापूर एसटी आगारचा प्रवेशव्दाराजवळ नवापूर एसटी कर्मचारी विजय गावीत, रवि गावीत, भिमसिंग गावीत, सुरेश अहिरे, विलास गावीत, जे. डी. गावीत, आर. एस. खराटे, सुजाता मोरे, राजश्री घरटे, अल्का पवार, मिरा सपकाळ यांच्यासह असंख्य चालक वाहक यांञीक कर्मचारी बेमुद संपावर बसले आहेत.

सकाळपासून एकही फेरी नाही

नंदुरबार जिल्ह्यातील अक्कलकुवा, शहादा, नवापूर आगारातील एसटी सेवा कर्मचाऱ्यांच्या आंदोलनामुळे पूर्णपणे बंद आहे. एकमेव नंदुरबार आगारातून जिल्हा अंतर्गत एसटी प्रवासी वाहतूक सेवा सुरू आहे. एसटी कर्मचाऱ्यांनी आपल्या विविध मागण्यांसाठी मध्यरात्रीपासून बेमुदत संपाला सुरुवात केली आहे, पहाटेपासून शहादा, अक्कलकुवा, नवापूर या आगारामधून एकही बस बाहेरगावी रवाना झालेले नाही. नवापूर, शहादा, अक्कलकुवा बस आगारात सुरू असलेल्या संपामुळे प्रवाशांना त्रास सहन करावा लागतोय.