सागर निकवाडे

नंदूरबार : नंदूरबार जिल्ह्यातील नवापूर शहराच्या वेगवेगळ्या भागात सोसायटीतील सदनिकांचे कुलुप तोडून चोरट्यांनी सोन्या चांदीचे दागिने आणि रोख रक्कम (Crime News) लंपास केल्याची धक्कादायक घटना घडली. यामुळे नवापूर (Navapur) शहरात भीतीचे वातावरण निर्माण झाले आहे. (Maharashtra News)

गेल्या अनेक दिवसांपासून नवापूर शहरात घरफोडीचे सत्र थांबले होते. परंतु अचानक रात्री झालेल्या सहा घरफोड्यांनी पोलिसांच्या (Police) कार्यप्रणालीवरच प्रश्नचिन्ह निर्माण केले आहे. या घरातून चोरट्याने लाखो रुपयांचे दागिने रोख रक्कम असा सामान लंपास केल्याची घटना घडली आहे. या अनुषंगाने नवापूर पोलीस ठाण्यामध्ये घरमालकांनी तक्रार दिली असून नवापूर पोलीस त्याच्या शोध घेत आहे. घटनास्थळी पोलीस निरीक्षक ज्ञानेश्वर वारे यांनी भेट देऊन पाहणी केली.

नवापूर शहरातील जनता पार्क, मंगलदास पार्क, मांदा सोसायटी आदी परिसरामध्ये बंद घरांना टार्गेट करीत एकाच रात्री सहा घरफोड्या झाल्या आहेत. रात्रीच्या सुमारास ही चोरी झाली आहे. तीन चोरटे मोटरसायकलीने आले अन्‌ चोरी करून गेले. सदर घटना सीसीटीव्ही कॅमेरेत कैद झाली आहे.

नवापूर शहरात पेट्रोलिंग वाढवण्याची मागणी नागरिकांनी केली आहे. नवापूर शहरात एकाच रात्री सहा घरफोड्या भीतीचं वातावरण निर्माण झाला आहे. ज्या भागात पोलीस अधिकारी व पोलीस कर्मचाऱ्यांचे वास्तव आहे. तेथेच घरफोड्या झाल्याने आश्चर्य व्यक्त केले जात आहे. एस. बी. साळुंके यांच्या घरात पोलीस उपनिरीक्षक यांचे वास्तव असताना खाली चोरट्यांनी घरफोड्या केल्याने चोरट्यांनी पोलीसांना मोठे आव्हान दिले आहे.