नंदुरबार : शेतकऱ्यांच्‍या शेतातील ऊस कापून कारखान्‍याने घेतला. परंतु, चार महिने उलटून देखील उसाचे थकित पेमेंट अदा केले नाही. यामुळे संपप्‍त शेतकऱ्यांनी आज कारखान्‍यात जावून अर्धनग्‍न आंदोलन केले. (nandurbar-news-shahada-satpuda-sahkari-sugar-factory-Sugarcane-payment-overdue-for-four-months-farmers)

शहादा येथील सातपुडा सहकारी साखर कारखान्याकडे शेतकऱ्यांचे पेमेंट थकित आहे. अनेक शेतकऱ्यांचे उसाचे पेमेंट बाकी असल्याने शेतकरी हवालदिल झाले असून, अनेकदा मागणी करून देखील उसाचे थकित पेमेंट मिळत नाही. शेतकरी वारंवार कारखान्‍यात जात असताना त्‍यांना रिकाम्‍या हाताने परतावे लागते.

संतप्‍त शेतकऱ्यांचे आंदोलन

गेल्या चार महिन्यापासून ऊस तोड होऊनही पेमेंट मिळत नसल्याने शेतकरी आक्रमक झाले होते. शेतकऱ्यांनी आज थेट कारखान्यात जावून थकित रक्‍कमेसाठी आवाज उठविला. कारखान्‍याच्‍या कार्यालयात जावून अर्धनग्न आंदोलन केले. थकीत उसाचे पैसे मिळावेत म्हणून आंदोलन बराच वेळ गोंधळ घातला.