नंदुरबार : शहादा पंचायत समिती सभापती, उपसभापती निवडणुकीमध्ये कॉंग्रेसच्या (Congress) चार सदस्यांनी गद्दारी केल्याने परत एकदा ‘पन्नास खोके एकदम ओके’चा नारा ऐकायला मिळाला आहे. (Tajya Batmya)

बहुमत असुन देखील (BJP) भाजपने कॉंग्रेसचे चार सदस्य फोडुन त्यांना मतदानावेळी अनुपस्थित ठेवल्याने कॉग्रेसवर पराभवाची नामुश्की ओढावली. सर्वच सदस्य हे मतदानावेळी अनुपस्थित राहीले. त्यामुळे पंचायत समितीतील कॉग्रेस सदस्यांनी बंडखोर कॉंग्रेस सदस्यांविरोधात जोरदार घोषणाबाजी करत पन्नास खोके एकदम ओके चा नारा दिला.

भाजपची सत्‍ता

शहादा (Shahada) पंचायत समितीच्‍या २८ सदस्य संख्या असलेल्या पंचायत समितीमध्ये कॉग्रेसचे १४, राष्ट्रवादीचे २ तर भाजपचे १२ सदस्य संख्या आहे. गुरूवारी झालेल्या निवडणुकीत भाजपाचे सदस्य हे सभापती उपसभापती म्हणुन विराजमान झाले आहेत.