सागर निकवाडे

नंदुरबार : नाशिक पदवीधर मतदार संघात अपक्ष उमेदवार सत्यजित तांबे यांच्‍या विरोधात भाजप पदाधिकाऱ्यांकडून (Nandurbar) नंदुरबारमध्‍ये निदर्शने करण्यात आली. तसेच भाजपने (BJP) पाठींबा देण्यासंदर्भात आदेश दिले तरी पाठींबा देणार नसल्‍याचे स्‍पष्‍टीकरण यावेळी केले. (Breaking Marathi News)

नाशिक पदवीधर मतदार संघात अपक्ष उमेदवार सत्यजित तांबे यांनी भारताचे पंतप्रधान नरेंद्र मोदी यांच्या पोस्टरला महागाई विरोधाच्या आंदोलनात काळे फसले होते. ज्या उमेदवाराला देशाच्या सर्वोच्च पदावर असलेल्या नागरिकाचा सन्मान करता येत नाही. त्याला भाजपने पाठिंबा देऊ नये आणि पक्षाने पाठिंबा दिला तरी सुज्ञ नागरिक आणि पक्षाचे कार्यकर्ते अशा उमेदवाराला मतदान करणार नाहीत; असा इशारा नंदुरबार मधील भाजपा पदाधिकाऱ्यांनी नगरसेविका पुत्र लक्ष्मण माळी यांनी दिला आहे.

जोरदार घोषणाबाजी

लक्ष्मण माळी यांच्या नेतृत्वाखाली शेकडो तरुण मतदारांनी अपक्ष उमेदवार सत्यजित तांबे यांच्या विरोधात निदर्शने केले. त्यांनी जोरदार घोषणाबाजी केली. यावेळी त्यांच्या हातात सत्यजित तांबे पंतप्रधान मोदींच्या फोटोला काळे फासत असलेले बॅनर होते. एकूणच पदवीधर मतदार संघाच्या प्रचार संपायला दोन दिवसाचा अवधी उरला असला तरी भाजप आतून सत्यजित तांब्यांना होणारा विरोध तीव्र झाला असल्याचे चित्र नंदुरबार जिल्ह्यात पाण्यास मिळत आहे.