सागर निकवाडे

नंदूरबार : नंदुरबार जिल्ह्यात दिवसेंदिवस तापमानाचा पारा वाढत असताना धरणातील पाणीसाठाही (Nandurbar) कमी होत असल्याचे चित्र आहे. लघु प्रकल्पांनी तळ गाठला असून साठा कमी झाल्‍याने ग्रामीण भागात तिव्र पाणी टंचाईची शक्‍यता वर्तविली जात आहे. (Tajya Batmya)

नंदुरबार जिल्ह्यात असलेल्या मध्यमाने लघु प्रकल्पातील पाणीसाठा अत्यंत कमी असून काही ठिकाणी लघु आणि मध्यम प्रकल्पांनी तळ गाठल्याचे चित्र आहे. धरणातील पाणीसाठा कमी झाल्याने त्याचा परिणाम ग्रामीण भागातील (Navapur) पाणीपुरवठा योजनांवरही होण्याची भीती निर्माण झाली आहे. ग्रामीण भागातील पाणीटंचाई तीव्र होण्याची शक्यता व्यक्त केली जात आहे.

सर्वच तालुक्‍यात टंचाईची झळ तिव्र

शहादा, तळोदा, अक्कलकुवा, धडगाव, नंदुरबार, नवापूर तालुक्यातील लघु प्रकल्पांनी तळ गाठले असून अनेक ठिकाणी तीव्र पाणीटंचाई जाणवत आहे. जिल्हा प्रशासनाच्यावतीने योग्य त्या उपाययोजना केल्या जात असल्या तरी पाणी टंचाईच्या झळ अजून बसतील अशी स्थिती निर्माण झाली आहे.