सागर निकवाडे

नंदुरबार : चेन्नई– अहमदाबाद नवजीवन एक्सप्रेसमध्ये एका व्यक्तीला अचानक त्रास होत असल्याने नंदुरबार (Nandurbar) लोहमार्ग पोलिसांनी तातडीने या व्यक्तीला रुग्णालयात दाखल केले. या व्यक्तीला हृदयविकाराचा झटका (Heart Attack) आल्याच्या अंदाज डॉक्टरांकडून व्यक्त करण्यात आला आहे. (Maharashtra News)

श्रीनिवास कस्तुरी हे परिवारासोबत सुरत येथे जात होते. मात्र नंदुरबार स्थानकावर गाडी येताच या व्यक्तीची अचानक तब्येत खालवल्याने परिवाराकडून आरडाओरड करण्यात आली. लोहमार्ग पोलिसांनी तात्काळ नवजीवन एक्सप्रेसच्या जनरल डब्यात धाव घेत त्या व्यक्तीला बाहेर काढत तात्काळ रुग्णवाहिकेमध्ये जिल्हा रुग्णालय येथे दाखल करण्यात आले.

सदर व्यक्तीचे प्राण वाचवण्यात यश आला आहे. त्यामुळे रेल्वे लोहमार्ग पोलिसांनी केलेल्या या कार्याची सर्वस्व चर्चा होत आहे. एका व्यक्तीचे प्राण वाचवल्याने संपूर्ण परिवाराकडून या पोलीस कर्मचाऱ्यांचे आभार मानले आहेत. मात्र पुन्हा एकदा पोलिसांमधील माणुसकी जागी झाल्याचे चित्र नंदुरबार लोहमार्ग पोलिसांनी घडवून दाखवला आहे.