नंदुरबार : नंदुरबार नगरपरिषदेच्या सर्वसाधरण सभेत आज विरोधकांनी बॅनर बाजी करत सत्ताधारी पक्षाच्या विरोधात जोरदार घोषणाबाजी केली आहे. नगरपरिषदेने १४ कोटींच्या कामांची निविदा प्रक्रीया रद्द केल्याच्या निषेधार्थ (BJP) भाजपातर्फे पालिकेच्या सर्वसाधरण सभेत बॅनर झळकवण्यात आले. (nandurbar news Opposition banner hoisting at Municipal Council meeting)

पालीकेने रद्द केलेल्या निविदामध्ये शहरातील अनेक महत्वांची काम असुन आर्थिक लागेबांध्यातुनच ही निविदा प्रक्रीया रद्द करण्यात आल्याचा आरोप विरोधी भाजपाच्या वतीने करण्यात आला आहे. नंदुरबार (Nandurbar) नगरपरिषदेच्या सर्वसाधारण सभेमध्ये आज 14 कोटींच्या कामांच्या निविदा प्रक्रियेचा रद्द प्रकरणी विरोधक भाजपा व सत्ताधारी सेना काँग्रेस यांच्यामध्ये जोरदार वादंग पाहायला मिळाला.