नंदुरबार : नवापूर तालुक्यातील खांडबारा रेल्वे स्टेशनपासून काही अंतरावर रेल्वे रुळ ओलांडत असताना अचानक समोरून येणाऱ्या मालवाहतूक रेल्वे (Railway) गाडीने धडक दिली. यात पन्‍नास वर्षीय इसमाचा मृत्‍यू झाला. (Nandurbar News Accident Death)

खांडबारा बर्डीपाडा येथील प्रल्हाद अर्जुन गोसावी (वय 50) व्यक्ती (Nandurbar News) खांडबारा रेल्वे स्टेशनपासुन काही अंतरावर बाजार करण्यासाठी गेले होते. बाजार करून येत असताना खांडबारा गावात रेल्वे रुळ ओलांडत असताना अचानक समोरून भरदा वहिनी येणाऱ्या मालवाहतूक रेल्वे गाडीने (Accident) धडक दिल्याने गोसावी यांचा जागीच मृत्यू झाला आहे.

कटलरी विक्री करून उदरनिर्वाह

प्रल्हाद गोसावी हे अत्यंत गरीब कुटुंबाचे असुन गावोगावी फिरुन कटलरी वस्तू विक्री करून उदरनिर्वाह करत होते. घटनास्थळी नंदुरबार रेल्वे पोलीस दाखल झाले असुन त्यांनी पंचनामा करून मयतचे शव खांडबारा ग्रामीण रुग्णालयात शवविच्छेदन करुन प्रेत नातेवाईकांच्या ताब्यात दिले आहे. अत्यंत गरीब परिवाराचे प्रल्हाद गोसावी यांचे अपघाती निधन झाल्याने बर्डीपाडा परिसरात हळहळ व्यक्त केली जात आहे.