सागर निकवाडे

नंदुरबार : नंदूरबार जिल्ह्यातील खांडबारा येथे रेल्वे रूळ ओलांडत असताना समोरून येणाऱ्या मालगाडी जोरदार धडक दिली. यात सदर व्यक्तीच्या जागीच मृत्यू (Death) झाल्याची घटना घडली आहे. (Breaking Marathi News)

रेल्‍वे स्‍थानक परिसरात किंवा प्‍लॅटफॅार्मवर जाण्यासाठी जिन्‍याचा वापर न करता रेल्‍वेरूळ ओलांडले जातात. रेल्‍वे प्रशासनाकडून रूळ न ओलांडण्याबाबत आवाहन केले जाते. शिवाय दंड देखील केला जात असतो. तरी देखील जीव धोक्‍यात टाकून रेल्‍वे रूळ ओलांडले जातात. असेच खांडबारा (Nandurbar News) येथे रूळ ओलांडताना अचानक रेल्‍वे आल्‍याने इसमाला जीव गमवावा लागला आहे.

रेल्‍वे पोलिसांकडून पंचनामा

खांडबारा रेल्‍वे स्‍थानक परिसरात सदर घटना आज सकाळी घडली आहे. घटनेची माहिती मिळताच नंदुरबार रेल्वे पोलिस घटनास्थळ धाव घेत मृतदेहाचा पंचनामा करण्यात आला आहे. मृत व्यक्तीने निळ्या रंगाची टी-शर्ट व ग्रे कलरची पॅन्ट घातली असून व्यक्तीचे अंदाजे वय 50 सांगण्यात येत आहे.