नंदुरबार : नवापूर तालुक्यातील विसरवाडी येथे एका युवतीस नोकरीचे आमिष दाखवून बलात्कार (Crime) केला. तसेच व्हिडिओ व्हायरल करून देण्याची धमकी देत वेळोवेळी बलात्कार केल्याचा धक्कादायक प्रकार उघडकीस आला आहे. (Maharashtra News)

विसरवाडी (ता. नवापूर) येथील युवतीशी काही जणांची ओळख झाली. यानंतर संशयीतांनी युवतीला नोकरीला लावून देतो असे सांगत तिच्‍यावर अत्‍याचार केला. इतक्‍यावरच थांबले नाही, तर युवतीचा (nandurbar News) व्‍हीडीओ करून तो व्‍हायरल करण्याची धमकी देत वारंवार अत्‍याचार केल्‍याचा प्रकार समोर आला आहे. याप्रकरणी विसरवाडी पोलीस (Police) ठाण्यात आठ आरोपींवर गुन्हा दाखल करण्यात आला आहे.

पाच संशयीत ताब्‍यात

पीडित युवतीने १८ नोव्हेंबरला विसरवाडी पोलीस ठाण्यात दिलेल्या फिर्यादीवरुन पोस्को व विविध कलमान्वये गुन्हा दाखल होताच पोलिसांनी मुख्य संशयित आरोपीसह पाच जणांना अटक केली आहे. मुख्य संशयित आरोपी जुबेर हासिनोद्दीन शेख, वहिदा शेख, दानिश मन्सुरी, यासह पत्नी, वडील, आई, भाऊ व साथीदारांवर गुन्हा दाखल करण्यात आला असून पाच जणांना अटक झाली आहे. ते विसरवाडी येथील रहिवासी आहे.