नंदुरबार : तळोदा तालुक्यातील धवळी विहीर येथील शकुंतला नाऱ्या पावरा यांच्या घरात रात्री बारा वाजेच्या दरम्यान बिबट्याने (Leopard) बकरीवर हल्ला करून ठार केली आहे. यावेळी कुटूंब गाढ झोपेत होते. (Nandurbar News leopard Attack)

धवळी विहिर येथील पावरा (Nandurbar) कुटूंब हे घरात झोपलेले होते. मध्‍यरात्रीच्‍या सुमारास बिबट्या अचानक घरात शिरला. यावेळी हल्‍ला केल्‍यानंतर (Leopard Attack) बिबट्या व बकरीच्या झटापटीने घरातील सदस्य जागे झाले. आरडाओरड केल्यानंतर बिबट्या तेथून पळाला. मात्र बिबट्याच्‍या हल्‍ल्‍यात बकरी ठार झाली आहे.

वारंवार होतात हल्‍ले

परिसरात वारंवार वन्य प्राण्यांचे हल्ले होत असून. नागरिकांमध्ये भीतीचे वातावरण आहे. याबाबत भारतीय जनता पार्टी आदिवासी मोर्चाचे तालुका अध्यक्ष दारासिंग वसावे यांनी वन विभागाला संपर्क करून सदर कुटुंबाला आर्थिक मदत दिली जावी; अशी मागणी अधिकाऱ्यांकडे केली आहे.