विसरवाडी (नंदुरबार) : हळदाणी (ता. नवापूर) येथील पती- पत्नीने मोहुच्या झाडाला बैल बांधण्याच्या (Nandurbar) दोरीने गळफास घेऊन आत्महत्या केल्याची घटना रविवारी समोर आली. त्‍यांच्‍या आत्‍महत्‍येचे नेमके कारण अद्याप समजू शकलेले नाही. (Live Marathi News)

नवापूर तालुक्‍यातील हळदाणी येथील धेड्या हांजी गावित (वय ५२) व कनुबाई पंतू गावित (वय ४६) असे गळफास घेऊन आत्महत्या करणाऱ्या पती-पत्नीचे नावे आहेत. हळदाणी गावाच्या शिवारातील सरज्या मोग्या गावित यांच्या शेतात ही घटना घडली. गावातील (Navapur) काही नागरीकांनी हे दोन्‍ही जण झाडाला गळफास घेतलेल्‍या अवस्‍थेत आढळून आले. यानंतर आत्‍महत्‍येची बातमी गावात पसरली.

नैराश्‍येतून टोकाचे पाऊल

धेड्या व कनुबाई या पती– पत्‍नीने नैराश्यातून आत्महत्या केल्याचे कारण समोर येत आहे. त्‍यांचा मुलगा रोहन धेड्या गावित यांच्या माहितीवरून विसरवाडी पोलिस ठाण्यात आकस्मित मृत्यूची नोंद करण्यात आली आहे.