नंदुरबार : शहादा व नंदुरबार तालुक्‍यातील १४९ ग्रामपंचायतीची मतदान प्रक्रिया आज होत आहे. सर्वच केंद्रावर मतदानाची (Election News) प्रक्रीया शांततेत होत असून दुपारी साडेतीन वाजेपर्यंत ७० टक्के मतदान झाले होते. (Nandurbar Gram Panchayat Election)

नंदुरबार (Nandurbar) जिल्ह्यातील शहादा (Shahada) आणि नंदुरबार या दोन तालुक्यांमध्ये पहिल्या टप्प्यातील ग्रामपंचायत निवडणूक कार्यक्रमांतर्गत आज मतदान प्रक्रिया पार पडत आहे. दोन्हीही तालुक्यांमध्ये मतदार राजांकडून चांगला प्रतिसाद मिळत असून 70 टक्के पेक्षा अधिक मतदान साडेतीन वाजेपर्यंत झालेले होते. सकाळपासूनच (Police) पोलीस बंदोबस्तात मतदान प्रक्रिया सुरळीत पार पडत असल्याचे चित्र आहे. मतदार राजांनाही आपला हक्क बजावण्यासाठी मतदान केंद्रानबाहेर रांगा लावल्याचे चित्र होते.