सागर निकवाडे
नंदुरबार : दिशादर्शक फलकावर गावाच्या नावावर अनेकवेळा खाडाखोड केल्याने अनेक वाद होत असतात. मात्र (Nandurbar) नंदूरबार जिल्ह्यातील एका आदिवासी पाड्यावरील दिशादर्शक फलकावर एका देशाचा उल्लेख वाचतांना अनेकांचा भुवया उंचावत आहे. या गावातून थेट (Japan) जपानला जाण्याचा रस्ता आहे. (Latest Marathi News)

साता समुद्रापार असलेल्या जपानला जाण्यासाठी अनेकांचे स्वप्न असते. जपानची प्रगती विज्ञान तंत्रज्ञान क्षेत्रात घेतलेली भरारी अनेकांना या देशाकडे आकर्षित करतात. परंतु जर सातपुड्याच्या दुर्गम भागातुन जपानला जाण्यासाठी रस्ता असल्याचे तुम्हांला सांगितलं तर ते खरं पटणार नाही. परंतु ही किमया केली आहे सार्वजनिक बांधकाम विभागांने नंदुरबार जिल्ह्यातील डांब येथे लावण्यात आलेल्या गावांच्या दिशादर्शक फलकावर थेट जपान असा उल्लेख केला आहे.

असा केलाय घोड  
नंदूरबार जिल्ह्यातील अतिदुर्गम भाग असलेला डाब, तोडीकुंड, चिवलउतारा, खुंटगव्हाण,ओरपाफाटा आणि जमाना गावाकडे जाण्यासाठी डाब येथूनच रस्ता जातो. त्यामुळे या ठिकाणी तो दिशादर्शक (PWD) फलक लावण्यात आला आहे. त्यावर शेवटचे गाव जपान असे लिहिल्याने जिल्ह्यात चर्चेचा विषय ठरला आहे. मात्र या दिशादर्शक फलकावर जमाना या नावाला 'मा' चा जागेवर 'पा' आणि 'ना' च्या  जागेवरच 'न' अस करत नावात छेडछाड करून त्याला जापान अस करण्यात आलं आहे. जपान देशाचा उल्लेख या आदिवासी पाड्यावर आल्याने नंदूरबार जिल्ह्यात चर्चेचा विषय ठरला आहे. मात्र सार्वजनिक बांधकाम विभाग या विषयाकडे दुर्लक्ष करत असल्याच चित्र पाहायला मिळत आहे.