नंदुरबार : जिल्ह्यात पुन्हा एकदा कोरोना डोके वर काढू लागला आहे. २० जुलैला दिवसभरात २१ जणांचा अहवाल पॉझिटिव्ह (Corona) आला आहे. यामुळे नागरिकांनी सतर्कता बाळगत लसीकरण बाकी असल्यास लसीकरण करुन घेण्याचे आवाहन करण्यात आले आहे. (Nandurbar Corona Update News)

नंदुरबार (Nandurbar) जिल्‍ह्यात कोरोना रुग्णांची संख्‍या वाढत आहे. मागील चार पाच महिन्‍यानंतर प्रथमच एकाच दिवसात २१ कोरोना पॉझिटीव्‍ह (Corona Positive) आढळून आले आहेत. यातील १३ जणांना गृह विलगीकरण करण्यात आले आहे. तर ८ जणांना खासगी रुग्णालयात (Hospital) दाखल करण्यात आले आहे. सद्यस्थितीत जिल्ह्यात ३१ इतके कोरोनाचे रुग्ण आहेत. यामध्ये नंदुरबार तालुक्यात सर्वाधिक २४ व नवापूरातील ७ अशा एकूण ३१ जणांचा समावेश आहे.

लसीकरणाचे आवाहन

कोरोनाचा प्रादुर्भाव कमी झाल्‍यानंतर नागरीकांनी लसीकरणाकडे दुर्लक्ष केले होते. परंतु, आता कोरोना बाधितांची संख्‍या वाढत असल्‍याने लसीकरण न केलेल्या नागरिकांनी लसीकरण करुन घेण्याचे आवाहन जिल्हा प्रशासनाने केले आहे.