सागर निकवाडे

नंदुरबार : नंदुरबार जिल्ह्यातल्या सातपुडा पर्वत रांगामधील वालंबा, डाब आणि तोरणमाळ परिसरात तापमानात (Temperature) मोठी घट झाली. यामुळे थेट दवबिंदु गोठल्याचा प्रकार समोर आला आहे. दवबिंदु गोठल्याने गवतांवर बर्फाची चादर पसरल्याचे चित्र दिसुन आले. (Live Marathi News)

गेल्या काही वर्षापासुन या भागात तापमानात मोठ्य प्रमाणात घट होत असल्याने अशा पद्धतीने दवबिंदु गोठुन बर्फाची चादर होत असल्याचे चित्र वारंवार दिसुन आले आहे. मात्र या भागात हवामान विभागाचे कुठलेही तापमान मापक यंत्र नसल्याने नेमक तापमान किती याबाबत नोंदच होत नाही. अशातच कडाक्याच्या थंडीने सातपुडा पर्वत रांगामध्ये सकाळी उशीरापर्यत शेकोट्या पेटत असल्याचे चित्र आहे.

४ अंशापर्यंत तापमान

गेल्या ४८ तासात नंदुरबारमधल्या सपाटी भागतच तापमानात ८ अंश सेल्सिअसपर्यंत तापमानात घट झाल्याचे पहावयास मिळाले होते. अशातच सातपुड्याच्या पर्वत रागांमध्ये सपाटीभागापेक्षा तापमाना चार ते पाच अंशानी कमी असते.