नंदुरबार : ग्रामपंचायत निवडणुकीसाठी पोलीस ठाण्यात आलेल्या (Police) पोलीस कर्मचारी आणि होमगार्ड यांच्या गर्दीचा फायदा घेत धडगाव पोलीस (Dhadgaon Police) स्टेशनमधुन एका आरोपींने पलायन केल्याचा धक्कादायक प्रकार समोर आला आहे. (Breaking Marathi News)

धडगाव पोलीस स्टेशनमध्ये ३५४ कलम अंतर्गत दाखल विनयभंगाच्या गुन्ह्यातील आरोपी इंदास जुजाऱया पावरा (रा. बिजरी पावरापाडा) याला न्‍यायालायाने १४ दिवसांची पोलीस कोठडी देखील सुनावली होती. आरोपीस जिल्हा कारागृह (Nandurbar) नंदुरबार येथे दाखल करण्यापुर्वी त्याचा वैद्यकीय अहवाल बनविण्याकामी त्याला धडगाव पोलीस ठाण्यात आणण्यात आले होते.

गर्दीचा फायदा घेत पलायन

मोठा फौजफाटा असतांना देखील आरोपीचे थेट पोलीस स्टेशनमधुन झालेले पलायन हे धडगाव पोलीसांच्या कामकाजावर प्रश्नचिन्ह निर्माण करणारे आहे. याचा पोलीसांनी शोध सुरु केला आहे.