नंदुरबार : शहादा– प्रकाशा रस्त्यावर लांबोळा गावानजीक शहादाकडे जात असलेल्या बैलगाडीस्वारास मागून येणाऱ्या कंटेनर ने जोरदार (Accident) धडक दिली. यात बैलगाडीस्वार शेतकरी (Farmer) जागीच ठार झाला असून बैल देखील ठार झाल्याची माहिती प्रत्यक्षदर्शिनी दिली आहे. (Nandurbar Accident News)

सदरील घटना आज सकाळी आठ वाजेच्या सुमारास घडली. लांबोडा (Nandurbar) येथील शेतकरी हरसिंग सरदार सिंग गिरासे (वय 50) हे आपल्या शेतात कल्टीवेटर करण्यासाठी बैलगाडीने जात होते. या दरम्‍यान नंदुरबारकडून शहाद्याच्या (Shahada) दिशेने भरधाव वेगाने जात असलेल्या कंटेनरने दालमिल समोर जोरदार (Accident News) धडक दिली.

शेतकरीसह बैलाचाही मृत्‍यू

अपघातात बैलगाडीस्वार हरसिंग सरदारसिंग गिरासे (रा. लांबोळा) हे शेतकरी जागीच ठार झाले. याशिवाय अपघातात एक बैल देखील ठार झाला असून दुसरा गंभीर जखमी आहे. सदरील घटनेची माहिती मिळताच शहादा पोलीस स्टेशनचे पोलीस प्रशासन घटनास्थळी पोहोचले असून पुढील तपास करीत आहेत.