सागर निकवाडे

नंदुरबार : भर उन्हात महिलांना तीन ते चार किलोमीटर पायपीट करत पाणी भरावे लागत होते. नंदुरबार (Nandurbar) जिल्‍ह्यातील आदिवासी महिलांची या व्‍यथेसंदर्भातली बातमी साम टीव्हीने प्रसारित केली होती. यानंतर लंडनच्‍या (London) संस्‍थेने पुढाकार घेतला आहे. (Latest Marathi News)

नंदुरबार जिल्ह्यातील कुकलटपाडा या गावातील पाणीटंचाई संदर्भातली बातमी साम टीव्हीने प्रसारित केली होती. या पाणीटंचाईच्या बातमीची दखल घेत लंडन येथील एक संस्था या गावकऱ्यांसाठी आता पुढे सरसावले आहे. लंडन येथील स्थित वेल्स ऑन वेली या संस्थेकडून कुकलटपाडा या गावातील आदिवासी महिलांना १०६ वॉटर ड्रम वाटप करण्यात आले.

१०६ कुटुंबांना देण्यात आणलेल्या वॉटर ड्रम पाणी भरण्यासाठी याची आता मदत होणार आहेत. वॉटर ड्रमच्या साह्याने आता या आदिवासी महिलांना पाणी भरण्याची सोय होणार आहे. ड्रमच्या सहाय्याने कमी वेळेत अधिक पाणी भरून या आदिवासी महिलांची वेळेची बचत आता होणार आहे.