नांदेड : नांदेड ते तिरुपती बालाजी विमान सेवा येत्या 17 ऑगस्ट पासून सुरू होणार आहे. जागतिक पातळीवर बालाजी देवस्थानाला अनन्य साधारण महत्त्व आहे. या विमानसेवेमुळे मराठवाडा, विदर्भातील भाविकांची मोठी सोय होणार आहे.आठवड्यातून मंगळवार, बुधवार, गुरुवार अशी ही विमानसेवा असणार आहे.

हे देखील पहा-

सायंकाळी सहा वाजून 10 मिनिटांनी नांदेडहुन उड्डाण झालेले विमान तिरुपती ला रात्री नऊ वाजून 10 मिनिटांना पोहचणार आहे. या तीनही दिवस विमान सकाळी सात वाजून 5 मिनिटांनी तिरुपती वरुन निघेल ते सकाळी 10.25 मिनिटांनी नांदेड ला पोहचेल नंतर हेच विमान पुढे मुंबई-कोल्हापूर जाईल.

ट्रूजेट कंपनीनं ही विमानसेवा सुरू करण्याचा निर्णय घेतला आहे. नांदेड-हैदराबाद- तिरुपती अशी ही विमानसेवा राहणार आहे. पालकमंत्री अशोक चव्हाण यांनी नांदेड-तिरुपती सेवा सुरू करण्यासाठी बराच पाठपुरावा केला होता. लाॅकडाऊनमुळे वर्षभरापासून बंद असलेली ही विमानसेवा पुन्हा सुरू झाल्यानं भाविकांतून आनंद व्यक्त केला जात आहे .याला ट्रूजेट च्या व्यवस्थापकांनी दुजोरा दिला आहे.

Edited By : Krushnarav Sathe