नांदेड : नांदेड मधील दगडफेकीच्या घटनेतील आरोपींची पोलिसांसोबत बाचाबाची झाली आहे. आज सायंकाळी न्यायालयासमोरच ही घटना घडली. गर्दीच्या ठिकाणी ही बाचाबाची झाल्याने काही काळ तणाव निर्माण झाला होता.

आज वजिराबाद पोलिसांनी अटक केलेल्या 5 आरोपींना न्यायालयासमोर हजर केले असता पाच पैकी चार आरोपींना न्यायालयाने जामीन मंजूर केला आहे. तर, एका आरोपीला पोलीस कोठडी सुनावली आहे. जामिन झालेल्या आरोपींना प्रतिबंधात्मक कारवाई करण्यासाठी वजिराबाद पोलिस गाडीत घेऊन जात असताना नातेवाईकांनी आम्ही जामीन झालेल्यांना पुन्हा हजर करतो म्हणून घेऊन गेले.

मात्र, काही प्रसार माध्यमांवर आणि सोशल मिडीयावर दोन आरोपी पोलिसांच्या तावडीतून पळाले अशी बातमी पसरत आहे. यात कुठलेही तथ्य नसून कुणीही अफवा पसरवू नये असे आवाहन पोलिसांनी केले आहे.

Edited By : Krushnarav Sathe