Nanded : दंडाधिकाऱ्याच्या खुर्चीवर बसून गाणं गायल्याने एका तहसीलदारावर कारवाई करण्यात आली आहे. तहसीलदाराचा गाणं गातानाचा व्हिडीओ सोशल मीडियावर व्हायरल झाला होता. या व्हिडीओनंतर त्या शासकीय अधिकाऱ्यावर कारवाई झाली आहे.

नांदेडमधील तहसीलदार प्रशांत थोरात यांनी उमरी तहसीलदार तथा तालुका दंडाधिकारी खुर्चीवर बसून 'तेरे जैसा यार कहा' हे गाणं गायले होते. या घटनेचा व्हिडीओ सोशल मीडियावर तुफान व्हायरल झाला होता. या व्हिडीओमुळे प्रशांत थोरात यांच्यावर निलंबनाची कारवाई झाली आहे. महसूलमंत्री चंद्रशेखर बावनकुळे यांच्याकडून तहसीलदार प्रशांत थोरात यांच्या निलंबनाचे आदेश देण्यात आले आहे. विभागीय आयुक्तांकडून रेणापुरचे तहसीलदार प्रशांत थोरात यांचे निलंबन झाले आहे.