नांदेड : माहेरी गेलेल्या पत्नी, मुलांना बोलवा यासाठी तरुणाने पाण्याच्या टाकीवर चढून शोले स्टाईल आंदोलन केले. तीन तासांपासून हा प्रकार सुरू असून (Police) पोलिस, अग्निशमन दल, नातेवाईक घटनास्थळावर पोहंचले आहेत. (Tajya Batmya)

नांदेडमध्ये माहेरी गेलेल्या पत्नी मुलांना परत आणा; या मागणीसाठी एका तरुणाने पाण्याच्या टाकी वर चढून शोले स्टाईल आंदोलन सुरू केले आहे. मागणी मान्य न झाल्यास उडी मारून आत्महत्या करतो अशी धमकी देत आहे. गेल्या तीन तासांपासून हा सर्व प्रकार सुरू आहे. देविदास पाटील असे तरुणाचे नाव आहे.

आई– बहिण करताय विनंती

नांदेड (Nanded) शहरातील शारदानगर येथील पाण्याच्या टाकीवर देविदास नामक तरुण चढलाय. देविदास पाण्याच्या टाकीवर चढल्याचे कळताच आई आणि बहिण येऊन देविदासला खाली उतरण्याची विनंती करत आहेत. दोघेही रडत आहेत. दरम्यान, घटनास्थळावर पोलिस आग्निशामक दल पोहंचले असून त्याला समजवण्याचा प्रयत्न करत आहेत. देविदासची पत्नी व मुलं तेलंगणातील डीचपल्ली येथे राहतात. त्यांना बोलावण्याचा प्रयत्न सुरू आहेत.