नांदेड : नांदेडमध्ये एका पाच वर्षाच्या चिमुकलीवर चॉकलेटचे अमिष दाखवून 60 वर्षाच्या नराधमाने अत्याचार केल्याची धक्कादायक घटना घडली. या प्रकरणी सदर इसमार अटक करण्यात आली आहे. (nanded news Torture of a little girl showing the lure of chocolate)

लोहा जवळा येथे (Nanded News) काल ही घटना घडलीय. नरबा कांबळे असे अत्याचार करणाऱ्या नराधमाचे नाव आहे. पिडत मुलीचे आई– वडील शेताकडे गेले होते. याची संधी साधत गावातीलच नरबा कांबळेने चिमुकलीला चॉकलेटचे आमिष दाखवून घरी नेले आणि अत्याचार केला. पिडीत मुलीने आईला याबाबत सांगितले. त्यावेळी त्यांना धक्काच बसला. पिडीतेवर जिल्हा शासकीय रुग्णालयात (Hospital) उपचारासाठी दाखल करण्यात आले.

ग्रामस्‍थांनी चोप देत दिले पोलिसांच्‍या ताब्‍यात

अत्‍याचार करणाऱ्या नराधमास गावकऱ्यांनी चांगलाच चोप दिला. यानंतर त्‍याला पोलिसांच्या (Police) स्वाधीन केले. या प्रकरणी सोनखेड पोलिस ठाण्यात आरोपी विरोधात पोस्को अंतर्गत गुन्हा दाखल करण्यात आला आहे.