नांदेड : बंडखोरांच्या विरोधात शिवसेनेने नांदेडमध्‍ये आंदोलन केले. यावेळी मंत्री एकनाथ शिंदे यांचे पोस्टर जाळून निषेध केला. यासोबतच बंडखोर आमदार कल्याणकर यांच्या पोस्टरला शिवसैनिकांनी जोडे (Nanded) मारत तिव्र निषेध केला. (nanded news Shiv Sena agitation against the rebels MLA)

नांदेडमध्ये आजही शिवसैनिकांनी आयटीआय चौकात बंडखोर (Shiv Sena) शिवसेना नेते एकनाथ शिंदे (Eknath Shinde) आणि नांदेडचे आमदार बालाजी कल्याणकर यांच्‍या विरोधात आंदोलन केले. शिवसैनिकांची विश्रामगृहावर बैठक झाली बैठकी नंतर आक्रमक झालेल्या शिवसैनिकांनी तिव्र आंदोलन केले.

शिवसैनिकांनी बंडखोरांना विरोधात जोरदार घोषणा देत कल्याणकर यांच्या पोस्टरला जोडे मारले. त्यानंतर शिंदे आणि कल्याणकर यांचे पोस्टर जाळून निषेध व्यक्त केला. जिल्हा प्रमुख दत्ता कोकाटे, आनंदराव बोंढारे यांच्यासह शेकडो शिवसैनिक या आंदोलनात सहभागी झाले होते.