नांदेड : नांदेडमध्ये समाज कल्याण विभाग अंतर्गत शासकीय मागासवर्गीय विद्यार्थ्यांचे वसतीगृह आहे. या वसतीगृहात राहत असलेल्‍या विद्यार्थ्यांच्‍या (Student) जेवणात अळ्या आढळल्याचा धक्कादायक प्रकार काल (Nanded) घडला. निकृष्ट जेवण देणाऱ्या वसतिगृह चालका विरोधात कारवाई करण्याची मागणी वसतीगृहातील संतप्त विद्यार्थ्यांनी केली. (Maharashtra news)

नायगाव येथील शासकीय वसतीगृहात हा धक्कादायक प्रकार घडला असून, संतप्त विद्यार्थ्यांनी नायगाव तहसिलमध्ये जेवणाचे ताट नेऊन दाखविले. जेवणात अळ्या असून निकृष्टदर्जाचे जेवण देणाऱ्या चालका विरोधात तातडीने कारवाई करण्याची मागणी केली. तहसिलच्या अधिकाऱ्यांनी विद्यार्थ्यांचे म्हणने ऐकुन घेऊन हा विषय आमच्या विभागाकडे येत नाही. तुम्ही नांदेडच्या सामाजिक न्याय विभागाकडे जाऊन तक्रार द्या; असा सल्ला दिला.

पथकाची वसतीगृहात येऊन तपासणी

विद्यार्थी आणखींच संतप्त झाले असून चांगले जेवण देण्याच्या मागणीसाठी विद्यार्थी आंदोलनाच्या पवित्र्यात आहेत. दरम्यान प्रकरण चिघळण्याची चिन्हे दिसताच समाजकल्याण विभागाचे एक पथकाने वसतीगृहात येऊन तपासणी केली आणि विद्यार्थ्यांचे म्हणने ऐकुन घेतले. चौकशी करुन कारवाई करण्याचे आश्वासन पथकाने विद्यार्थ्यांना दिले.