नांदेड: नांदेडमध्ये (Nanded) नालीत कचरा (Garbage) टाकण्याच्या कारणावरून भावकीतील वाद टोकाला गेला आहे. या वादातून चक्क चाकुने (Knife) भोसकून २ सख्या भावाचा निर्घृण खुन (killing) करण्यात आला आहे. तर अन्य दोनजण गंभीर जखमी झाले आहेत. शहरातील देगावचाळ भागात काल रात्री उशिरा भावकीतील लखन राजभोज आणि प्रफुल्ल राजभोज यांच्यात वाद झाला होता. (Nanded Crime The brutal killing of 2 brothers)

हे देखील पहा-

हा वाद एवढ्या विकोपाला गेला की लखन राजभोजने आपल्या नातेवाईकांना बोलावून प्रफुल्ल राजभोजच्या कुटूंबियावर सशस्त्र हल्ला (Attack) चढविला आहे. या हल्ल्यात प्रफुल्ल राजभोज आणि संतोष राजभोज या दोघांचा खुन करण्यात आला तर २ जण जखमी झाले आहेत. जखमींवर जिल्हा शासकीय रुग्णालयात (hospital) उपचारासाठी दाखल करण्यात आला आहे.

दरम्यान, वजिराबाद पोलीस (Police) ठाण्यात लखन राजभोज सह ७ जणांविरोधात खुनाचा गुन्हा दाखल करण्यात आला आहे, तर ३ आरोपींना अटक (Arrested) करण्यात आली असल्याची माहिती पोलिस निरीक्षक जगदीश भंडरवार यांनी दिली आहे. दोहेरी खुनाच्या घटनेमुळे देगावचाळ परिसरात भितीचे वातावरण निर्माण झाले आहे.

Edited By- Digambar Jadhav