संजय सूर्यवंशी

नांदेड : शेतीवरून असलेल्या जुन्या वादातून दोन गट आमनेसामने आले. जुना वाद पुन्हा एकदा उफाळू येत त्यांच्यात प्रचंड हाणामारी झाली असून यात दोन्ही गटातील अनेकजण जखमी झाले आहेत. हि घटना धर्माबाद शहराजवळील येताळा रोडवर घडली असून या प्रकरणी पोलिसात गुन्हा दाखल करण्यात आला आहे. 

नांदेडच्या (Nanded) धर्माबाद तालुक्यातील येताळा रोडलगत असणाऱ्या शेतीवरून पांडे कुटुंबीय तसेच पाटील कुटुंबियामध्ये वाद होता. हा वाद पुन्हा उफाळू आला. या वादाचे रूपांतर हाणामारीत झाले. दरम्यान येताळा रोडवर धर्माबाद शहरालगत शेतीच्या वादावरून या दोन गटात तुंबळ हाणामारी झाली. एकमेकांना लाठ्याकाठ्यांनी (Crime News) मारहाण केली. लाठ्याकाठ्यांच्या हाणामारीत दोन्ही गटातील अनेकांचे डोके फुटले असून अनेक जण जखमी झाल्याची माहिती आहे.

दरम्यान दोन गटात झालेल्या हाणामारीच्या घटनेचा व्हिडीओ सध्या सोशल मीडियावर प्रचंड व्हायरल होत आहे. शेतात सुरु झालेली ही हाणामारी ही रोडवर देखील सुरूच होती. घटनेची माहिती मिळताच पोलीस देखील घटनास्थळी दाखल झाले होते. (Police) पोलिसांनी मध्यस्थी करत दोन्ही गटांना वेगळे केले. यानंतर दोन्ही गटाकडून परस्पर विरोधी गुन्हा दाखल करण्याची प्रक्रिया सुरू केली आहे.