Nanded Crime News : नांदेडमध्ये पूर्ववैमनस्यातून एका तरुणाचा दोन जणांनी हल्ला करून खून केला आहे. ही खळबळजनक घटना शनिवारी रात्री (२५ जानेवारी) सिडको परिसरातील वसंतराव नाईक महाविद्यालया जवळ घडली आहे. राज सरपे असं खून झालेल्या तरुणाचं नाव आहे. दुचाकीवर आलेल्या तरुणांनी राज याला रस्त्यात गाठून त्याच्या शरीरावर चाकूने सपासप वार केले यात त्याचा जागीच मृत्यू झाला.

दरम्यान, घटनेची माहिती मिळताच पोलीस (Police) अधीक्षक श्रीकृष्ण कोकाटे यांनी घटनास्थळी धाव घेत घटनेची माहिती घेतली. हल्यात ठार झालेल्या आणि हल्ला करणाऱ्यांचे पाच सहा महिन्यांपूर्वी भांडणे झाले होते. या प्रकरणात गुन्हे दाखल झाले होते. त्यातूनच हा हल्ला झाला असावा असा पोलिसांचा प्राथमिक अंदाज आहे. हल्लेखोरांच्या शोधात पथके रवाना करण्यात आल्याची माहिती यावेळी पोलीसांनी दिली आहे.

पोलिसांनी दिलेल्या माहितीनुसार, नांदेड (Nanded) मध्ये पूर्ववैमनस्यातून एका तरुणाचा दुचाकी वरून आलेल्या दोघांनी हल्ला करून खून केला. या हल्यात राज याचा मृत्यू झाला. दुचाकीवर आलेल्या तरुणांनी राज याला रस्त्यात गाठून त्याच्यावर चाकूने वार केले यात तो जखमी झाला आणि त्याचा जागीच मृत्यू झाला.

पूर्ववैमनस्यातून हा हल्ला करण्यात आल्याची प्राथमिक माहिती समोर आली आहे. हल्लेखोरांच्या शोधात पथके रवाना करण्यात आल्याची माहिती यावेळी पोलीसांनी दिली आहेत. या घटनेमुळे काही काळ तणावाचे वातावरण निर्माण झाले होते. या प्रकरणी ग्रामीण पोलीस ठाण्यात रात्री उशिरा पर्यंत गुन्हा दाखल करण्याची प्रक्रिया सुरू होती.