संजय सुर्यवंशी, साम प्रतिनिधी

नांदेड येथील ठाकरे शिवसेनेचे शहर प्रमुखाचे अपहरण झाल्याची घटना घडल्याची माहिती मिळत आहे. गौरव कोटगिरे असे या शहर प्रमुखाचे नाव आहे. याप्रकरणी पोलिसात गुन्हा नोंदवण्यात आलाय. कोटगिरे यांची पत्नी आणि त्यांचा ड्रायव्हर याचा जबाब पोलिसांकडून नोंदवण्यात येत आहे. अपहरणाची पुन्हा एका घटना घडल्याने राज्यातील कायदा सुव्यवस्थेबाबत प्रश्न उपस्थित होत आहेत. नांदेडच्या इतवारा पोलीस ठाण्यात गुन्हा नोंदवण्याची प्रक्रिया सुरू आहे.

नांदेडमधून एक धक्कादायक बातमी हाती आली आहे. ठाकरे गट शिवसेनेचे शहर प्रमुखाचं अपहरण झाल्याची घटना घडलीय. गेल्या काही दिवसांपासून अपहरण आणि हत्याच्या घटना घडत असल्याने राज्यातील कायदा सुव्यवस्थेबाबत नागरिक चिंता व्यक्त करत आहेत. मिळालेल्या माहितीनुसार, गौरव कोटगिरे असे ठाकरे गट शिवसेनेचे शहर प्रमुखाचे नाव आहे. अपहरण झाल्याप्रकरणी पोलिसात तक्रार नोंदवत गुन्हा दाखल करण्यात आलाय.

कोटगिरे यांच्या पत्नी आणि ड्रायव्हर याचा जबाब नोंदवला जात आहे. नांदेडच्या इतवारा पोलीस ठाण्यात गुन्हा नोंदवण्याची प्रक्रिया सुरू आहे. नांदेड शहरातील बाफना टी पाईंटवरून रात्री ८ वाजण्याच्या सुमारास कोटगिरे यांचे अपहरण झाल्याचं सांगितले जात आहे. कोटगिरे हे कट्टर शिवसैनिक असून ते सोशल मीडियावर ही सक्रिय असतात. नांदेड शहर उत्तर आणि दक्षिण या विधानसभा मतदारसंघातदेखील ते सक्रिय होते.